L'GRUP DI JOGN

Dal 1984 incà à La Ila n grup de stüdafüch jogn. Mituns dai 12 agn insö à l'ocajiun da cunësce plö da dlungia l'organisaziun y l'ativité dl corp di stüdafüch. Le fin de chësta iniziativa é de acumpagné i mituns tres le jüch a deventè plö inant mëmbri dl corp atif, de chël che ëi pudarà fà pert canche ai à cumplì i 17 agn.
Dui iadi al'edema, tratan l'aisciüda, vëgnel tignì les proes pur to confidënza cun val' picera massaria y cun n percurs artifizial, che rapresentëia chël che pudess ester le ciamp de aziun di stüdafüch tla realté. I mituns mëss imparè a laurè un cun l'ater, a na manira che le grup sides bun da mëte adüm l'atrezatüra dl percurs sënza fà fai y sambëgn ince te n cürt tëmp.
Vigni ann ala fin dles proes, se incunta spo düã i grups di jogn stüdafüch dla Provinzia pur se musuré te na competiziun y desmustrè insciö le livel de preparaziun.
La Ila à tut pert ales competiziuns dl 1984 a Corvara, 1985 a Toblach, 1986 a Malles (Vinschgau), 1987 a Prad (Vinschgau), 1988 a Lajen, 1996 a Sterzing, 1997 a Vahrn, 1998 a Türesc y 1999 a Auer.
Dagnëra é le grup da La Ila stè bun da tignì ite le tëmp mascim scrit dant tles competiziuns, se miritan le reconoscimënt dl livel "arjënt" y "brom".

Ince chilò ti và le mirit y la stima a chëles persones, che do n dé de laûr, se tol ciamò la bria, sambëgn zënza paiamënt, da insigné jö y mantignì atif le grup di jogn.
Pudëi fà pert de dütes chëles assoziaziuns che dô la familia, la dlijia y la scola, contribuësc al'educaziun de nosc mituns é gauja de ligrëza pur le corp di stüdafüch da La Ila.