21. október 2002
Vetrarstarfið að hefjast
- fyrsti fundur haldinn á sunnudaginn nk.
Vetrarstarf Lionsklúbbs Patreksfjarðar er að fara hefjast. Undirbúningur
hefur þó staðið yfir lengi, m.a. fóru Hjörtur Sigurðarson og Geir Gestsson á
námskeið í Munaðarnesi um sl. helgi og lærðu þar margt og mikið og höfðu gaman
af. Ný kjörorð klúbbsins lýsir væntanlega vetrarstarfinu sem verður
fjörugt. Nýja stjórnin er skipuð þeim Halldóri Þórðarsyni, formanni,
Geir Gestssyni, ritara og Óskari Herði Gíslasyni, gjaldkera.
Varaformaður er Guðmundur Óskar Hermannsson. Dagskrá vetrarstarfsins er
komin á vefinn.
12. október 2002
Sigurgangan heldur áfram
- nú var kvenfélagið lagt af velli.
Fyrsta kvöldið af fjórum í spurningakeppni Blakks
og Unnar var haldið í kvöld. Þar kepptu m.a. Lionsklúbbur Patreksfjarðar
við Kvenfélagið Sif. Kvenfélagskonur virtust vera hafa sigur í lokin en
með dæmalausri elju og keppnisskapi og að sjálfsögðu dyggum stuðningi úr sal
unnu hinir þrír fræknu Vitringar með því að leggja undir stig á loka metrunum.
Er óhætt að segja að okkar menn verða skeinuhættir í næstu keppnum.
1. október 2002
Viðurkenning frá
alþjóðaskrifstofu fyrir félagafjölgun
- hlutfallslega mikil fjölgun í LP á liðnu starfsári.
Í bréfi sem undirritað er af J. Frank Moore III,
fráfarandi alþjóðaforseta Lions, óskar hann LP til hamingju með
árangurinn og biður okkur að þiggja merki til að setja í fánann okkar (sjá
mynd). Segir Frank að klúbburinn hafi uppfyllt þau markmið starfsársins
að fjölga í Lions með sameiginlegu átaki. Með því að fjölga félögum erum
við að gera betur í að hjálpa öðrum.
19. mar 2002
Hilmar Jónsson Lionsfélagi ársins
2001-2002
- Monrach Chevron merki afhent
Á 12. fundi ársins, sem haldinn var á Rabbabarnum
laugardaginn 16. mars, var Hilmar Jónsson útnefndur Lionsfélagi ársins.
Er Hilmar vel að tiltlinum kominn en hann hefur starfað vel og ötullega fyrir
klúbbinn í fjölda ára, en hann hefur verið næst lengst félaga í klúbbnum eða
frá 1973. Á fundinum voru einnig afhent Monrach Chevron merki til
eftirtalra félaga: Guðfinnur Pálsson, 20 ára, Jakob Jónsson, 15 ára,
Barði Sæmundsson og Kristján Páll Vigfússon, 10 ára.
4.mar. 2002
Sigur í spurningakeppni !
- Lionsmenn eru gáfumenn hinir mestu
(í það minnsta þessir þrír)
Þeir
stóðu sig frábærlega, Kristján Páll, Símon og Jakob, í spurningakeppni
Björgunarsveitarinnar Blakks og Slysavarnardeildarinnar Unnar, en þeir gerðu
sér lítið fyrir og sigruðu alla andstæðinga sína með glæsibrag. Á
lokakvöldinu kepptu okkar menn við lið Odda og náttúrulega rúlluðu þeim upp í
úrslitakeppninni. Eitthvað voru menn feimnir með að lýsa stuðningi við
félaga okkar en þegar ljóst var hvert stefndi jókst stuðningurinn margfallt og
ber að þakka það.
19. feb. 2002
Lionsklúbbur Patreksfjarðar 40 ára í dag !
- fjörutíu ára farsælt starf að baki en nóg verkefni framundan
Lionsklúbbur Patreksfjarðar á 40 ára afmæli í dag, 19. febrúar. Um
síðustu helgi gerðu félagar sér glaðan dag í tilefni tímamótanna og héldu
mikla veislu og tókst hún í alla staði vel til. Eftir að hlaðborðinu
hafði verið gerð góð skil voru stofnfélagar heiðraðir, þeir Bragi Thoroddsen,
sem enn er félagi og var hann gerður að sérréttindafélaga, og Páll Janus
Pálsson. Fluttar voru hátíðarræður og meðal þeirra sem tóku til máls
voru Örn Gunnarsson, fjölumdæmisstjóri, Hörður Sigurjónsson, umdæmisstjóri 109
B og Þorgrímur Vilbergsson úr Lionsklúbb Stykkishólms. Lionskórinn hélt
sína frumraun undir stjórn Ragnars Jónssonar undirleikara og
Tónlistarskólastjóra og var kórinn hljómþýður og líklegur til afreka í
framtíðinni.. Nokkur frumsamin skemmtiatriði voru á boðstólum og
drengjatríóið Góðir landsmenn skemmti með söng og gleðisögum. Fljótlega
munu koma myndir frá hátíðinni á vefinn.
5. feb. 2002
Fjórir nýjir
félagar !
Á
10. fundi Lionsklúbbs Patreksfjarðar sem haldin var þann 3. febrúar voru við
hátíðlega athöfn teknir inn fjórir nýjir félagar. Þeir eru Einar Ásgeir Ásgeirsson, Guðmundur Óskar
Hermannsson, Magnús Jónsson og Ólafur Halldórsson og er þá félagatalan komin í
29 félaga. Vefurinn býður nýja félaga velkomna og óskar þeim velfarnaðar
í starfi fyrir klúbbinn í framtíðinni.